Aye aye fowkies its bin a fair fyley syne I hiv hid half a chunce tae blether awa in my ane mither tongue bit dinna fash yersel for I hiv twa meenits this foreneen so makk yersel a stroopach n a funcy piece n get yir doric lugs on.

Weel far div yi wynt ma tae start for is been a fair shift in maist hings syne the last time. I have rackit up weel o'er a thoosan meenits on thi pitch. Aye so I hivna scorit, weel I hiv atho nae ane thit his bin allood, bit its comin, dinna fear.

I am fair trickit by it aa I hiv tae say. Aricht so wi micht ae be richt doon aboots thi hinnerend o thi table bit hings are takkin a shift n wir on thi richt roadie. Abody is learnin jist fit it taks and foo tae best makk ees o fit wi hae n fit wi dinna. Aye the best is ae tae cam.

The league itsel cwidna be better set. Fit a tuave thir aa haein at thon hiecht. Sacks teams richt in the mix wi just a puckle o pynts atween them aa. Aye it is rare tae see. Fa'll win it? Weel that is speert o mi nae metter far I gings so I am wirkin on the logic o tellin abody a different team at wye I am bound tae be richt! Mind you I hink Lossie ae hae half a chunce....


Aff the pitch thirs plenty a dee ana wi yone videprinters takkin the strain o the Setterday workload. Fit an odds thill makk fan i midwick gamies stert tee. Aye thir a gye expense tae build bit if the fowkies support fits been deen then the better a hing will get. Its ae step at a time on the wye tae the morn. An iss Annie says the morn, the morn I loves yi the morn yir only ae day awa.

Heres tae a brichter the morn!

Click here for previous weeks